Бөгөн Нефтекама дәүләт филармонияһы концерт залында «Хуш киләһең Яңы йыл» исемле тамаша үтте. Башҡорт эстрада төркөмөнөң артистары — Башҡортостандың атҡаҙанған артисы Раян Алтыншин, Башҡортостандың халыҡ артисы Айбулат Рәхмәтуллин, Азат һәм Розалия Ҡарасуриндар, Иршат Ҡарасурин, Алина Вәхитова, Альбина Кәримова һәм «Түңгәүер» бейеү ансамбле солистары тамашасыларға күңелле, бай йөкмәткеле концерт программаһын бүләк итте. Яңы йыл айҡанлы сарала тамашасылар менән викторина һәм музыкаль конкурстар үткәрелде, һәм иң әүҙемдәргә бүләктәр тапшырылды. Тамашасы концерттан бик ҡәнәғәт ҡалды.