«Сыңғыҙ менән Тамерлан» эстрада-цирк бригадаһының концерты — ғәжәйеп тамаша, мөғжизәле сығыштар менән һуғарылған!

21 ғинуарҙа Нефтекама филармонияһы артистары «Хазино» шифахана-профилакторийына килеүселәр өсөн «Цирк тарихы » исемле сағыу һәм мауыҡтырғыс концерт программаһын әҙерләне.

Артистарҙың шаян, ҡыҙыҡлы һәм тулҡынландырғыс сығыштары йәш тамашасыларҙы ла, өлкәндәрҙе лә битараф ҡалдырмаясаҡ. Күңелле, дәртле программала артистар клоунада, жонгляж, акробатик номерҙарҙы башҡарыуҙа етеҙлектәрен һәм һығылмалылығын күрһәтәсәк, дәртле бейеүҙәр, башҡорт, рус, татар эстрадаһы йырҙары, баянда һәм балалайкала виртуоз профессиональ уйын тәҡдим итәсәк. Цирк артистары башҡарыуында комик, сатирик һәм юмористик номерҙар һәр тамашасының кәйефен күтәрәсәк!