21 ғинуар көнө  Мәскәү ҡалаһында «Рәсәй» халыҡ-ара күргәҙмәһе сиктәрендә «Башҡортостандың йәнле традициялары» халыҡ ижады аҙналығы тамамланды.

Башҡортостан Республикаһы стендында башҡорт халҡының мәҙәниәте һәм йолалары тураһында, шулай уҡ төбәгебеҙҙең тарихи мираҫы менән танышырға ярҙам иткән төрлө саралар ойошторолдо.

Башҡортостандың Халыҡ ижады аҙналығы барышында башҡорт мәҙәниәтенең төрлө аспекттары менән таныштырыу саралары уҙҙы. Күргәҙмәгә килеүселәр башҡорт милли кейеме, музыка ҡоралдары, биҙәү-ҡулланма сәнғәте оҫталарының төрлө эштәре менән таныштырҙылар. Шулай уҡ күргәҙмә ҡунаҡтары оҫталыҡ дәрестәрендә ҡатнашыу мөмкинлегенә эйә булды, уларға халыҡ кәсептәре традициялары, шул иҫәптән төрлө биҙәүес әйберҙәре һәм музыка ҡоралдары эшләү тураһында һөйләнеләр.

Нефтекама дәүләт филармонияһы ҡурайсыһы Иҙел Исҡужин башҡорт милли уйын ҡоралы — ҡурай яһау һәм уйнау буйынса оҫталыҡ дәресе үткәрҙе. Башҡортостандың атҡаҙанған артисы Иршат Ҡарасурин, ҡурайсы Айваз Малыбаев, «Түңгәүер» бейеү ансамбленең балет артистары Валентина Миңлеәхмәтова, Вера Николаева һәм Илназ Әҙиәтуллин тамашасыларҙы башҡорт халҡының йырҙары һәм бейеүҙәре менән таныштырҙы.