Башҡортостан Республикаһының халыҡ артисы Раян Алтыншин етәкселегендәге «Ҡәрҙәштәр» башҡорт эстрада төркөмө Татарстан Республикаһының Аҡтаныш районына гастролдәргә юлланды. Бөгөн, 14 майҙа, улар Сөгәнә ауылында сығыш яһап, мауыҡтырғыс, йыр-моңға бай концерт программаһы менән тамашасының күңелен яуланы. Концерт бик күңелле үтте. Талантлы артистарыбыҙҙы йылы һәм ихлас ҡабул иткән Сөгәнә ауылы мәҙәниәт йорто етәкселегенә һәм тамашасыларына ҙур рәхмәтебеҙҙе еткерәбеҙ! Иртәгә, 15 майҙа, тамашасыларҙы Аҡтанышбаш ауылында көтөп ҡалабыҙ. Рәхим итегеҙ, ҡәҙерле дуҫтар!

#нефтекамадәүләтфилармонияһы