Бөгөн, йәйҙең беренсе көнөндә, бөтә донъяла Халыҡ-ара балаларҙы яҡлау көнө билдәләнә. Уны үткәреү тураһындағы ҡарар 1925 йылда Женева ҡалаһында балалар именлеге мәсьәләләренә арналған Бөтә донъя конференцияһында ҡабул ителгән. Был байрам йәш быуындың именлеге һәм һаулығы, балаларҙың рухи, интеллектуаль, физик үҫеше өсөн яуаплылығыбыҙҙы иҫкәртеп тора. Бөтә балаларҙы һәм ата-әсәләрҙе ошо күркәм байрам менән ысын күңелдән ҡотлайбыҙ! Ныҡлы һаулыҡ, шатлыҡ-ҡыуаныстар, бәхетле тормош, именлек, татыулыҡ һәм бөтә уй-хыялдарығыҙҙың тормошҡа ашыуын теләйбеҙ!