Бөгөн Нефтекама дәүләт филармонияһы артистары Балтас районында сығыш яһаны

Бөгөн, 24 октябрь, Нефтекама дәүләт филармонияһы артистары “Шәжәрәңде барла» концерт программаһы менән Башҡортостан Республикаһының Балтас районы Балтас ауылында сығыш яһаны. Бейеүгә, йыр-моңға бай мауыҡтырғыс тамашала филармонияның алдынғы солистары һәм билдәле «Түңгәүер» бейеү ансамбле үҙҙәренең иң дәртле, сағыу сығыштарын бүләк итте. Тамашасылар концерттан бик ҡәнәғәт ҡалды һәм артистарыбыҙға сикһеҙ рәхмәт һүҙҙәрен еткерҙе. Туймазы ҡалаһындағы Башҡорт тарихи-мәҙәни үҙәгенең баш белгесе Альберт Исмаилдың сығышы айырыуса ҙур ҡыҙыҡһыныу уятты.

25 октябрь 19 сәғәттә беҙ тамашасыларҙы Краснокама районының Николо-Березовка ауылында көтөп ҡалабыҙ. Рәхим итегеҙ, дуҫтар!

#нефтекамадәүләтфилармонияһы