«Үҙ иленең бөйөк шағиры»
9 апрель Нефтекама дәүләт филармонияһында Башҡортостандың халыҡ яҙыусыһы Мостай Кәримдең 100 йыл тулыуға арналған «Үҙ иленең бөйөк шағиры» исемле театрлаштырылған музыкаль программаның премьераһы үтте. Тамашаның төп маҡсаты — уҡыусыларыҙы республикабыҙҙың һәм Рәсәй халыҡтарының рухи мираҫына ылыҡтырыу, Мостай Кәрим әҙәбиәтенә ҡыҙыҡһыныу уятыу.
Программала Мостай Кәримдең шиғырҙарына яҙылған йырҙар, тормош, мөхәббәт тураһындағы хәтирәләре һәм уйланыуҙары, «Ай тотолған төндә», «Оҙон-оҙаҡ баласаҡ», «Ташлама утты, Прометей!» әҫәрҙәренән өҙөктәр тәҡдим ителде. Тамаша үҙ эсенә бер нисә жанрҙы алды: бейеү, йыр, әҙәби нәфис һүҙ, театр.