Кисә, 19 майҙа, Башҡортостан Республикаһының халыҡ артисы Раян Алтыншин етәкселегендәге «Ҡәрҙәштәр» башҡорт эстрада төркөмө Татарстан Республикаһының Аҡтаныш районы Таҡталасыҡ ауылында сығыш яһаны. Концерт бик күңелле үтте. Нефтекама дәүләт филармонияһы артистары Таҡталаcыҡ ауылындағы Мутиндарҙың нәҫел зыяратында булды. Улар Гәрәй ырыуы башҡорто, Башҡорт милли хәрәкәте эшмәкәре Илдархан Ибраһим улы Мутиндың постаментына сәскәләр һалды, милләттәшебеҙҙең яҡты рухы хөрмәтенә доға ҡылды.

#нефтекамадәүләтфилармонияһы