«Мин көн кешеһе лә, йыл кешеһе лә булғым килмәй. Мин бары тик Мостай Кәрим генә булып ҡалаһым килә», — тип яҙып ҡалдырған үҙенең иҫтәлектәрендә халҡыбыҙҙың Бөйөк шәхесе Мостай Кәрим!

Бөгөн Башҡортостандың халыҡ шағиры, бөйөк башҡорт шағиры, яҙыусы, драматург, публицист, Бөйөк Ватан һуғышы ветераны, күп хәрби, хеҙмәт ордендары һәм миҙалдары кавалеры, күренекле йәмәғәт эшмәкәре — Мостай Кәримдең тыуыуына 101 йыл.

Башҡорт халҡының данлы улы Мостай Кәрим — донъя әҙәбиәте хазинаһына сикһеҙ ҙур өлөш индерҙе, үҙенең бар көсөн һәм талантын ул бөгөнгө Башҡортостандың ҡабатланмаҫ образын һүрәтләүгә бағышланы.

Хөрмәтле милләттәштәр! Мостай ағайҙың тыуған көнөндә Бөйөк шәхесте бергәләп иҫкә алайыҡ!

#МостайКәрим#НГФ
@minkultury_rb
@kulturarb.ru